Üm 1850 rüm sorgt de Grotherzog Georg vun Mäkelborg-Strelitz dorför, dat ein Bäukenholln bi Lüttenhagen in dat Woldegk‘sch-Fellbarger Knüllenland erhollen blifft. De Bööm, de ehre Stämm un Kronen as Süülen in de Höcht recken un baben tausamenkamen, laten ein‘ an gotisch‘ Architektur denken. Hüüt steiht dor up 25 Hektar dat öllst Bäukenholln vun Düütschland. Tau de Tied kamen niege Verordnungen rut, de fastleggen, dat an niege Chausseen Alleebööm plant‘ warden sallen.
Gägend un Ümwelt 1850 bet 1900
Up denn Tietstråhl dörch dit Themå
Tiet un Epoch utwählen:
1872 makt ‘ne grote Stormflaut bannig väle Dörper an de Küst un makt ok ‘n grotten Deil vun dat Äuwer taunicht. Dornah kümmern sik de Lüüd miehr dorüm, de Äuwer tau wohren.
Dat gifft Orrer, dat längssiets vun niege, grote Straten Alleebööm anplant warden mœten. Ferdinand vun Raesfeld lött up‘n Darß denn Wald wedder upforsten as de Natur dat maken wüür un hei revolutschioniert de Jagd as "Hägen un Plägen".
Sassnitz ward tau denn Middelpunkt vun de Industrie, de sik mit de Kried befaten deit. 1899 schluten sik 17 Afbuugünnernähmen tau‘n Kartell tausamen.
De Utbuug vun de Städte makt, dat miehr Klei för de Teigelien afbuugt ward. Bet 1900 warden in de Ueckermünner Heid‘ 63 Teigelien nieg grünnt.
