Dat Virtuelle Lannes­museum oewer de Geschicht vun Mäkelborg un Vörpommern

De Geschicht vun Mälkelborg un Vörpommern hett siet dat Middelöller nich väl mit’n anner tau daun hatt, as dat de beiden Lannesdeile dicht bi’n anner lägen hebben. Ierst ah 1945 sünd Mäkelborg un Vörpommern tausamenkamen un -wussen. Oewer ganz un gor is dat so ok nich wohr.

In dit Virtuelle Lannesmuseum ward disse besünnere Geschicht nu vertellt. Dorför giwwt dat hier besünnere Exponate ut 54 Museen, de privat sünd, kommunal orrer de dat Land tauhüüren.