Religion 1950 bet 2000

In de DDR ward de Kirch gnittschäwsch beöögt. De Junge Gemeinde mit 25.000 Mitglieder in‘n Nuurden ward in dat Fröhjohr 1953 as „staatsfeindlich“ slicht makt. De kathol‘sche Kirch kriggt in Schwerin ‘n bischöflichet Kommissariat (Amt).

De Staat un de SED willen, ofschonst dat offiziell de Frieheit in‘n Globen gifft, de Kommunion, de Firmung un de Konfirmatschion dörch de Jugendweihe ersetten. De Kirch is ok Middelpunkt för Kritikers un so warden de Kirch väle Stein in‘n Weg leggt. Lüttere Gemeinschaften trecken sick politisch ganz un gor trüch. De Kirchen arbeiten karitativ för Jugendliche, Familien un behinnerte Minschen.

In‘n Harwst 1989 sünd ofteins de evangelischen Kirchen de Born vun den Protest gägen den SED-Staat, wegge 1990 uplöst ward.

1994 entstahn twei jüdische Gemeinden in Rostock un Schwerin. Grünnt hebben sei de Lüüd, de ut de ehemaligen Sowjetunion herkamen sünd. Sei billen den Lannesverband vun de Jüdischen Gemeinden. 1995 buugt de kathol‘sche Kirch dat Nuurdbistum för Hamborg, Schleswig-Holstein un den Lannesdeil Mäkelborg.

2009 ensteiht ‘n Koordinatschionsrat vun de Muslime in Mäkelborg-Vörpommern.

2012 schluten sick de Lanneskirchen Mäkelborg-Vörpommern, Schleswig-Holstein tau de evangel‘sch-lutherisch "Nuurdkirch" tausamen.

In de DDR ward de Kirch gnittschäwsch beöögt. De Junge Gemeinde mit 25.000 Mitglieder in‘n Nuurden ward in dat Fröhjohr 1953 as „staatsfeindlich“ slicht makt.

1953 tellt de kathol’sche Kirch 65 000 Lüüd in Vörpommern, de kathol’sch glöben. 1962 sünd dat noch 37 000. In Sellin un Bergen warden Marien-Wallfohrten afhollen. De Pommersch Evangelisch Kirch behöllt ehren Namen noch bet 1968, denn ward sei tau Evangelisch Lanneskirch Griepswold ümnömt.

De Staat un de SED willen, ofschonst dat offiziell de Frieheit in‘n Globen gifft, de Kommunion, de Firmung un de Konfirmatschion dörch de Jugendweihe ersetten. De Kirch is ok Middelpunkt för Kritikers un so warden de Kirch väle Stein in‘n Weg leggt. Lüttere Gemeinschaften trecken sick politisch ganz un gor trüch. De Kirchen arbeiten karitativ för Jugendliche, Familien un behinnerte Minschen.

In‘n Harwst 1989 sünd ofteins de evangelischen Kirchen de Born vun den Protest gägen den SED-Staat, wegge 1990 uplöst ward.

De pommersch Lannesbischop Horst Gienke möt afträden, weil hei tau dull mit de SED tausamenarbeit‘ hebben sall. 1993 richt de kathol’sche Kirch för de Vörpommern de Popstei Griepswold in dat Erzbistum Berlin in. Up de Urlauberinseln Usedom, Darß un Zingst ward kathol’sche Seelsorg‘ inricht.

1994 entstahn twei jüdische Gemeinden in Rostock un Schwerin. Grünnt hebben sei de Lüüd, de ut de ehemaligen Sowjetunion herkamen sünd. Sei billen den Lannesverband vun de Jüdischen Gemeinden. 1995 buugt de kathol‘sche Kirch dat Nuurdbistum för Hamborg, Schleswig-Holstein un den Lannesdeil Mäkelborg.

2009 ensteiht ‘n Koordinatschionsrat vun de Muslime in Mäkelborg-Vörpommern.

2012 schluten sick de Lanneskirchen Mäkelborg-Vörpommern, Schleswig-Holstein tau de evangel‘sch-lutherisch "Nuurdkirch" tausamen.