In dat Wappen is tau seihn: Dat Herzogtum besteiht ut de soeben historischen Herrschaften Mäkelborg, Rostock, Werle orrer ok Wenden, Stargard, de Grafschaft Schwerin un de Fürstentümer Schwerin un Ratz‘borg tausamen. Sei warden ok in‘t Wappen afbillt. De beiden Herzög‘ führen dit allens, wat se hebben, in ehren Titel. Oewer politisch hebben sei nich väl tau mellen. Ümmer wedder warden sei in den Nuurden vun Europa in verschieden Krieg rintreckt.
Politik 1650 bet 1700
Up denn Tietstråhl dörch dit Themå
Tiet un Epoch utwählen:
wo de schwed’sche Generalgouverneur Carl Gustav von Wrangel wahnt hett
1653 ünnerschrieben Schweden un Bramborg denn "Stettiner Grenzrezess" un leggen so de Grenz twüschen Schweden, Bramborg un de pommerschen Gägenden fast.
De Landstännen sünd 1663 mit de Königlich schwed‘sch-vörpommersch Regierung un mit ein eigen Landdag inverstahn. König Karl XI. gifft denn Staat un denn König Kraasch. Ok de Staatskass ward ünner siene Regierung tau Schick bröcht. Stralsund ward tau ‘ne Festung un ‘n wichtigen Militärknorrnpunkt utbuugt. Dat geföllt de Prüßen nich un sei versäuken 1655–1660 un ok 1674–1679 mit Krieg un Striet, disse Laag so tau verännern, dat ehr dat nützt.
