In Mäkelborg-Strelitz bringen sei in Niegenbramborg un Wesenbarg dat Wullwäwerhandwark, dat Daukmakerhandwark, dat Glasmaken un dat Anbuugen vun Tabak un Hoppen vöran. Dat gifft in Mirow un Feldbarg Herzog’sche Daukfarwerien. De Produktschion vun Wull, Dauk, Tabak un Sied‘ in de Schweriner Schelfstadt ward för Mäkelborg-Schwerin ‘n Inpaß, wiel dat tauväle gaude Woren ut dat Utland gifft. Tabak, Holt, Kuurn un Glas warden ok nah’t Utland verköfft. De Hannel löppt oewer Rostock, Lübeck un Hamborg.
Handwark un Industrie 1700 bet 1750
Up denn Tietstråhl dörch dit Themå
Tiet un Epoch utwählen:
dorstellt in dat Johr 1724
As Prüß‘sch-Pommern enstahn wier, gifft dat in Stettin ‘ne franzöös‘sch Kolonie, wat de Wirtschaft vöranbringen sall. Pasewalk ward utbuugt as Standuurt vun dat Militär. Dor is dat Hauptquuartier vun dat "Königlich Prüßsche Markgräflich Bayreutsche Regiment Dragoner".
Schweden buugt de Landstraten ut un richt Postverbinnungen in. Bi de Sägelschipperie in Barth bätert sik allens in de Mitt vun dat 18. Johrhunnert. Dat fangt 1728 mit den Buug vun ein 72-Tonnen-Schipp an. In Stralsund ward ‘ne Stärkefabrik buugt. Ok ‘ne Wull- un Tüüchmanufaktur kricht dat Privileg för Schwed‘sch-Pommern. Liekers mellen 15 ut 20 Hannelshüser Bankrott an. Annere Habenstädte œwerhalen Stralsund bi‘n Seehannel.
