Besünners in Rostock un in Wismer hebben sei noch mal Vördeile un verdeinen sick ‘n dicken Geldbüdel vun den Ostseehannel in de laaten Hansetieden. Oewer in de niege Richt, in de de tiedige Kapitalismus stüert, mit Verlag- un Manufaktursystem kamen sogor disse mäkelborgschen Städte nich mit. Blot Rostock un Wismar hebben so as de Lannesherr dat Recht, ehr eigen Münzen tau printen.
Handwark un Industrie 1550 bet 1600
Up denn Tietstråhl dörch dit Themå
Tiet un Epoch utwählen:
De Hanse verliert an Kraasch. In dat Johr 1572 bräkt dat Hannels- un Bankhus vun de Loitz in Stettin tausamen, ofschonst sei grad ‘n poor Johrteinten eihrer noch up denn Wech tau ein Soltmonopol in den Nuurden vun Osteuropa wieren. Dat bringt de Wirtschaft in Pommern dörch‘nein un dröppt ok dat pommersch‘ Herzogshus. Tau de Tied führt Stettin ok noch ‘n Hannelskrieg mit Frankfurt/Oder. As ein Wech dorut ward 1587 de Stadt Franzburg vun Herzog Bogislaw XIII. grünnt. De ward as ‘ne venezianisch Handwarkersiedlung vun Eddellüüd regiert un is in Konkurrenz mit Stralsund. Dorbi kümmt œwer blot ‘ne Lüttstadt mit ‘ne Daukmanufaktur rut.
