Inschriftentafel vun Herzog Ulrich vun Mäkelborg up den Buug vun den Kanal twüschen de Elw, den Schweriner See un Wismer

• ut Solnhofer Kalkstein, 1578, 32 cm breit

De vun Arabesken inrahmte latiensch‘ Inschrift kiehrt rut, dat de Herzog Ulrich 1578 den Kanal up siene Rechnung för de Börger buugt hett. De Sinn vun den Kanal is, dat ein de gefiehrliche un tasige Fohrt dörch den Öresund nich miehr tau maken bruukt. De Wech führte nu mit’n Schipp vun de Elw oewer de Eld bet tau de Ostsee bi Wismer. De Kanal makt dat ok bäter, vun Lünborg ut mit Solt ut de Salin‘ oewer de Ostsee tau hanneln un drägt dortau bi, dat Mäkelborg an den Nuurd-Süd-Hannel ran kümmt.

Ierst 1580 ward de ierste Deil vun den Kanal fardig. 1593/94 koenen sei dat ierste Mal up de „Viechelnschen Fohrt“ gahn. Oewer korte Tied dornah mößt de Kanal all wedder tau makt warden, wiel de Schlüüsen tweiig wiern. Ierst Wallenstein hett dat versöcht, den Kanal wedder trechtmaken tau laten. Dorüm is de oh nah em nömt. De tämlich lütte Tafel ut Solnhofer Stein wier woll fröher binnen anbröcht, kann angahn in dat Güstrow’sche Schlott vun Herzog Ulrich.