In dat Johr 1628, as de Dörtigjöhrig Krieg all teihn Johren towt, treckt Albrecht vun Wallenstein, Herzog vun Friedland un Sagan, in dat Schlott in Güstrow in. Ein Johr dornah makt em de Kaiser tau’n Herzog vun Mäkelborg un tau’n Rieksfürsten. De mäkelbörger Herzöög Johann Albrecht un Adolf Friedrich warden afsett, wiel sei in’n Bund mit den „Rieksfeind“ Dänemark wieren. 1634 blifft Wallenstein dod. De Kaiser begnadigt 1635 de mäkelbörger Fürsten dunn wedder un gifft ehr de ollen Rechte wedder taurügg.
Dynastie 1600 bet 1650
Up denn Tietstråhl dörch dit Themå
Tiet un Epoch utwählen:
Vun 1603 an regiert Philipp Julius (1584-1625) in Pommern-Wolgast. Hei blifft dod, ahn dat hei Kinner hett. Nu kümmt 1603 in Pommern-Stettin Philipp II. (1573-1618) an dat Regieren. Tauierst is hei blot Statthalter för sienen Vadder, vun 1606 an is hei denn oewer de Regent. Philipp blifft ok dod, ahn dat hei Kinner hett. So kümmt sien Brauder Bogislaw XIV. (1580-1637) an dat Amt un bringt dat Herzogtum 1625 wedder mit Pommern-Wolgast tausamen. 1637 blifft hei dod un so starft dat Geschlecht vun de Pommernherzög mit den Vagel Griep ut. 1648 deilen Bramborg un Schweden dat Land ünner sick up.
