Modell vun dat Sägel-Schaulschipp WILHELM PIECK

• 1957
• Maßstab: 1:50
• 86 cm lang

De einzigst düütsche Schonerbrigg ut Iesen is 1951 up de Warnowwarft in Warnmünn buugt un ward WILHELM PIECK nömt. De Konstrukteur is Wilhelm Schröder. Dat Schipp is dacht as Gaaw vun dat Land Mäkelborg för den DDR-Präsidenten Wilhelm Pieck tau sienen 75. Geburtsdag. Dat Schipp ward an 2. August 1951 in den Deinst nahmen, oewer Pieck stift‘ dat Schipp för de Utbillung vun den maritimen Nahwuss in de DDR.

De WILHELM PIECK ward de Gesellschaft för Sport un Technik (GST) tauslahn und dorup warden de Kadetten vun de Hannelsmarine un späterhen ok vun de Volksmarine utbillt. De Heimathaben ward de „GST-Stützpunkt“ Griepswold-Wiek. De ierste Kaptein is de Rostocker Ernst Weitendorf. 1990 oewernimmt de Stadt Griepswold dat Schipp un dat ward ümnömt in GREIF. Hüüt is dat as Denkmal för den Schippsbuug erhollen un dat ward ofteins inladt tau Drapens vun Grot- un Traditionssägelschäpen.