Jean-Baptiste Oudry: Rhinozeros

• 1749
• Öl up Linnen
• 456 cm lang

De Herzog Christian Ludwig, Arwprinz Friedrich un Jean-Baptiste Oudry kennen sick all ‘ne lange Tied, as hei ehr anbeiden deit, de „Menagerie“ tau köpen. Dat sünd allens Biller vun exotische Diere, de den französ‘schen König hüüren. Tauletzt gifft hei noch ‘n Bild vun ein Nashuurn dortau, denn „vergang‘ Johr keem noch ein Rhinozeros nah Paris“. Dat Dier hüürt einen Hollänner, de ehr „Jumpfer Clara“ nömt. Hei wiest dat Diert in dat heile Europa rüm: vun Leiden, oewer Berlin, Breslau un Wien bet nah Neapel un London. Nah Schwerin kümmt dat läbennig‘ Diert nich, blot dat läbensgrote Bild kümmt 1750 her.

Viellicht hett de Herzog sick dat nich so grot vörstellt hatt, denn ein Johr later hangt in siene Galerie ‘ne Kopie vun dat Bild, blot dat de bannig wat lütter malt worn is. Dat Original ward nah Ludwigslust bröcht, wo sei dat later tausamenrullen un up Lager leggen. Ok later is dat för de Utstellungen vun den Herzog ümmer tau grot un ward ierst 2004, nahdem dat restauriert is, wedder utstellt. Vun de Tied an is „Clara“ dat Maskottchen vun dat Museum Schwerin.