Landwirtschaft 1900 bet 1950

In Mäkelborg bringen de groten Gäuder ollig wat an Leistung. In‘t Riek sünd sei up dat höchst‘ Niveau bi Produktivität, bi de Maschinen un woans de bruukt warden un bi de Antahl vun Grotveih. Nah 1919 hebben de Grotgrundbesitter 60% vun den Acker un de Feller. Up‘t Land arbeiten 43% vun de Lüüd ok in so‘ne Betriebe, de wat verarbeiten daun, so as Brennerien un Molkerien. Dörch de Enteignung vu‘t Domanium sünd de beiden Friestaaten de gröttsten Grundbesitter, de den Bodden verpachten daun. Mäkelborg-Strelitz hett ‘n groten Deil Hollen, de vun de Forst wirtschaftlich‘ nutzt ward.

In den September 1945 kamen vun de Provinz- un Lannesverwaltung vun de Sowjetischen Zone de Verordnungen oewer de Boddenreform rut. 1950 sünd in Mäkelborg 4007 Betriebe mit 1.073.578 ha enteigent. Dorvun warden 77.178 niege Buernstäden, so de Hälft för Lüüd up de Flucht un Lüüd, de utwiest worden sünd. 258.155 ha warden volkseigen Gäuder.

Bet tau dat Johr 1912 warden dat ümmer miehr Wanderarbeitslüüd ut Polen so üm un bi 42 000 in Pommern. Tau de Tiet vun denn Iersten Weltkrieg ward de heile Landwirtschaft mit Dwang bewirtschaft‘.

De pommersch‘ Land- un Forstwirtschaft blifft in de Weimarer Republik de wichtigst Wirtschaft in de Gägend. De groten Agrarier hebben de Hälft vun dat Land ünner sik updeilt. 57% vun all de Lüüd, de hier läben, arbeiten up‘t Land. 1927 sitten miehr as de Hälft vun de Betriebe deip in de Schulden un kœnen vun 1928 an blot noch dörch dat "Osthülpsprogramm" knapp œwer Water hollen warden. Gäuder, de nix miehr inbringen daun, warden dörch staatlich un private Gesellschaften upsiedelt.

In‘n September 1945 gifft de Provinz- un Lannesverwaltung vun de Sowjetisch‘ Besatzungszone Orrer tau ‘ne Boddenreform. 1950 sünd in Mäkelborg (mit Vörpommern) 4007 Landwirtschaften un so 1.073.578 Hektar enteigent. Ok dat Gaud Göhren (Woldegk) vun Ulrich-Wilhelm Graf Schwerin, de in denn Wedderstand vun‘n 20. Juli 1944 mitmakt hett. 77.178 Niegbuernstäden warden inricht, de Hälft dorvun för Flüchtlings un Lüüd, de dat Land verlaten mößten 258.155 ha warden tau Volkseigen Gäuder.