Ut Buern un Kossaten warden Daglöhners, Inlegger, Dröscher, Häker un Hüüdslüüd, de meist gägen Betahlung in Naturalien up de gaudsherrschaftliche Eigenwirtschaft schuften möten.
De Holstein‘sche Koppelwirtschaft is wat Nieget. De Acker un allens Land, wat bewirtschaft‘ ward, ward in soeben bet twölf Schläg indeilt un ümmer in‘n Wessel bestellt: mit Kuurn, Arwten, as Braakland orrer Weiden. Dordörch ward de Aust vun Kuurn duwwelt so hoch un dat Hollen vun Käuh un Rindveih dörch tausätzlich‘ Weiden intensiviert.
