Otto Niemeyer-Holstein: In‘n Gorden II

• 1965, Aquarell, 51 x 39,8 cm

Otto Niemeyer-Holstein treckt dat Läben för siene Biller ut dat, wat hei würklich seihn kann. In dat Aquarell Gorden II hett hei blage, vigelette un gräune Farwen in ‘ne nervöse Oort un Wies up dat Papier bröcht, so dat dat Rhythmus hett un utsüht as ‘ne staatsche Blaumenpracht. Verschieden Oorten tau malen un Striche tau setten drücken ut, dat hei väle Stimmen un verschieden Bedüdungen wiesen will.

Vun 1933 an läwt un arbeit‘ Otto Niemeyer-Holstein bet tau sienen Dod in einen ollen Iesenbahnwaggon up de Insel Usedom. Üm dat Atelier häkeln sick Legenden rüm. Ümgäben is dat vun einen siehr besünneren Gorden. So as wenn hei ‘n Bild malt un komponiert, plant‘ hei ok Bööm un Blaumen nah ehre Farwen un ehr Gestalt an. In siene Kunst höllt Niemeyer-Holstein de Schoenheit vun de Natur mit ‘ne ganz besünnere Instellung un Achtung fast.