Skipnavigation Virtuelles Museum zur Geschichte Mecklenburgs und Vorpommerns

Springe direkt zu:

Menü öffnen
Politik | 1600 bet 1650 | Mäkelborg bet 1945

Helm tau ein Harnisch

Bild
360° Ansicht
  • Iesen, Rostock, ierst Vierdeil vun dat 17. Johrhunnert

Dat Stadtrecht hett jedein Börger in de Plicht nahmen, de Gemeind‘ ok gägen anner tau verteidigen. Jedein Huusbesitter mößt de Utrüstung dorför sülwst hebben. Ut de Tied sünd Harnische un diss Helm erhollen. Sei hebben tau de Utrüstung vun de Bruchfischers un de Schauhmakers hüürt. Sei hebben ‘n Bostpanzer, Hals-, Arm- un Beinschutz un ‘ne Stormkapp. De Harnische hüüren in de Tied vör un tau den Dörtigjöhrigen Krieg.

Tau Afwehr vun Lüüd, de de Stadt tauwedder wieren, gifft dat in jedein Stadt Quartiers, de „Fahnen“, updeilt ümmer in 180-240 Mann. In de tweit Hälft‘ vun dat 16. Johrhunnert, tau Hochtieden vun de Stadt Rostock, gifft dat 24 Fahnen. Vun 1682 an gifft dat elben Stück. De Lüüd vun de Fahnen sünd dorför taustännig, ‘n bestimmtet Stück vun de Besfestigungen tau besetten. Sei oewernähmen Schanz- un Wallarbeiden, sünd för Ordnung taustännig un hollen de Nacht- un de Duurwachen af. De Brookfischers hüüren 1625 tau de sößten Fahn un vun 1682 tau de elbente Fahn un sünd in de Plicht de Brooks tau besetten, wat de Befestigungen in’n Osten sünd. De beiden Brookfischers un de Schauhmaker hebben Giebelhüüser un tellen dormit tau de böbelste Stüerklass.

Text: S. St.

Dat Originalutstellungsstück finnst du hier:

Dit Utstellungsstück hüürt tau:

Kontakt

Kulturhistorisches Museum Rostock

Kloster zum Heiligen Kreuz
Klosterhof 7
18055 Rostock