Skipnavigation Virtuelles Museum zur Geschichte Mecklenburgs und Vorpommerns

Springe direkt zu:

Menü öffnen
Handwark un Industrie | 1300 bet 1350 | Vörpommern bet 1945

Beker

Bild
360° Ansicht
  • Beker, Insel Murano bi Venedig (Italien),
    1. Hälft 14. Johrhunnert,
    Glas, email- un guldanmalt,
    14,8 cm hoch

Dat Glas ut Murano is vun dat 14. Johrhunnert an up de heile Welt berühmt. Dat kann‘ ok an dissen Glasbeker seihn, de besünners riek un viegeliensch anmalt is. De Ümschrift "+MAGISTER. BATOLAMEUS. FECIT ET EE: " (vun Meister Batolameus makt) seggt, wecker dat Stück makt hett. Batolameus arbeit‘ in de Glaswarkstäden up de Insel Murano bi Venedig un hei makt tau de Tied de besten Saken. Upmalt sünd twei grote Beker tau’n Drinken, wo Wienranken rutwassen. Hollen warden de vun twei junge Kierls, de up de Knei liggen un ehr Lief so’n bäten dreihen.

Twei Elementen, de utseihn as Bööm, stahn twüschen de verschieden Biller. Disse Oort Beker hebben meist väle verschieden Motiven. Christliche un infache enzelte un ok Gruppenszenen, Diere, Fabelwäsen un ok Wappen, Planten un Motiven ut de Architektur sünd tau finnen. Bi dissen Stralsunner Beker weit’n nich genau, wat dat Sujet bedüden deit, dorüm möt doran wieder forscht warden.

1993 hett’n dissen Beker bi’t Grawen funnen in Stralsund, Nieger Markt 7/8. Hei leeg in ein Kloak in.

Text: R.N.

Dat Originalutstellungsstück finnst du hier:

STRALSUND MUSEUM

Dit Utstellungsstück hüürt tau:

Kontakt

STRALSUND MUSEUM

Mönchstraße 25-28
18439 Stralsund