Engelsche Hunnen (Griespudel)

• 2. Hälft vun dat 19. Johrhunnert,
  Steintüüch, glasiert,
  23,7 cm hoch

Seelüüd bringen in dat 19. Johrhunnert de so nömten Engelschen Hunnen giern vun de Reis mit.

Bet 1850 sünd de Diere ut Keramik Spältüüchs för de Kinner vun Familien, de miehr Geld harden. Ierst vun de tweite Hälft vun dat 19. Johrhunnert an sünd sei Zierrat un warden sammelt. Sei warden so väl köfft, dat de Fabriken in de Grafschaft Staffordshire ganz un gor verschieden Modelle dorvun maken: Möps, Spaniel un Pudel warden an meisten köfft.

Meist sünd de Hunnen witt, bruun-witt un schwatt-witt. Meist kamen de Farwen all ünner de Glasur un Guldlüster (mit so’n besünnern metallischen Glanz) kümmt doroewer. Besünners köfft warden oewer de witten Pudels mit Potzlaangrus up, de schmolten is, so dat dat de Frisur vun denn Pudel dorstellt. Oft möten Kinner de Figuren in Huusarbeit anmalen. So warden de Figuren billig un sei können oewerall in de Habenstädte verköfft warden. Vun dor kamen de Engelschen Hunnen denn in de Schipperstuben oewerall längs vun de Ostseeküst. Dat sei tauierst in de Finstern vun engelsche Prostituierten stünnen, is man blot ‘ne Legend.