Stratenschild "Strat von de Aktivisten"

• Blick, na 1945 bet 1991, 89,5 cm x 15 cm (hüt Friedrich-Jakob-Klepper-Strat)

De iersten Stratennamen in Boizenburg warden von Flurnamen billt. Later warden ok Straten na heimische Böm, Gebüücht orrer Urte nömt. Anner Namens erinnern an Schriewerslüd, historisch un politisch Lüd. Dat führt dortau, dat grad disse ümmer wedder ännert würn, je nadäm, von wo de Wind weiht hett. De Stadtrandsiedlung ut de 1930er Johren, de von de Lüd "Up de Siedlung" nömt wür, kreech tauierst Stratennamen na Nationalsozialisten orrer "Helden" ut denn Iersten Weltkriech. Disse Namens warden na denn Kriech ümännert: de "Richthofenstrat" wür tauierst "3. Gass" un denn "Strat von de Aktivisten". Dit sall ok wiesen, dat hier de "Arbeiter- un Buernstaat" DDR licht, entgägen de BRD. Dat in ein Stadt, de bet 1972 in de 5-km-Sperr-Zon’ licht un wo in de Geschicht’ de Straten up de anner Siet von de binnendüütsche Grenz hengüngen.

De "Strat von de Aktivisten" blifft na de düütsche Weddervereinigung in denn Oktober 1990 nich, sünnern ward ümdöfft. De Nam Friedrich Jakob Klepper (1779-1871), wecken de Strat hüt hett, erinnert an ein’ Wienkopmann ut Lüneburg, ’ne Persönlichkeit ut Boizenburg, de fröher gägen Napoleon kämpft har.