Otto Niemeyer-Holstein: "Winter Usedomer Strand"

• Öl up Kapak, 1964,
  80 cm breit

Up Niemeyer-Holstein siene Biller is Landschaft, de See, Minschen un Stillläben. Besünners de See mit Licht, Wind, Wulken hett em dat andahn. Sei makt Indruck up em un is ümmer wedder spannend tau malen för em. Hei will besünnere Momente rutdestillieren, de Stimmungen, de dorin sticken daun. Ok wenn hei Minschen orrer Aktbiller malt, will hei dat rutketeln.

"Dat, wat Niemeyer-Holstein malt hett, kreech in de föftiger Johren ’ne grote Kraft, dat dat as Grundpieler vun de humanistisch Kunst in de DDR anseihn wüür… ein besünner Leistung vun em wieren de Biller vun de Ostseeküst. Dorin hett hei sien Bestet gäben. Sei wiesen Niemeyer-Holstein up de Höcht vun dat, wat hei kann. De Indruck vun de Natur is in disse Biller ganz un gor in Kunst ümwannelt. Dat is de Hohge Schaul vun de Kunst. Dat, wat tau seihn is, is ganz un gor in Farwen ümsett. Ofschonst dat, wat ut de Natur malt is, tau kennen blifft, geiht dat nich dorüm, dat de Natur genau afmalt is. De Biller seggen up disse Oort väl miehr, sei hebben’n fienen Geist, sei düden sick sülwst ut. Disse Biller schwäwen twüschen Land un See un wiesen tauierst up denn Künstler sülwst un denn ierst up denn Gägenstand, de dorup tau seihn is." (Lothar Lang in "Malerie un Grafik in Ostdüütschland", Leipzig 2002)