Herbert Wegehaupt: "Fischer, de up Land tau kamen"

• Pastell, 1952
  62 cm breit

Wulf Sailer seggt tau de Eröffnung vun de Utstellung "Otto Niemeyer-Jolstein, Otto Manigk, Herbert Wegehaupt" 1983 in de Galerie Mitte in Berlin: "Dat, wat de drei Malerslüüd verbunnen hett, wier. dat sei de Traditschion, Weltkultur un de Französ’sche Malerie ut dat 19. un 20. Johrhunnert up ’ne lebennige Oort iehrt hebben. Sei all drei hebben disse noble Kunst, de up grote Handwarkskunst upbuugt wier, bewunnert. Dit is ein Bispill vun dat, wat’n intensiv biläben kann, iehrlich un trüchhollern un dat in’ne Tiet, de ein vun de schworsten in de Geschicht wier! Sei hebben denn Wahn vun dat Drütte Riek, disse Johren ohn minschlich Mat, as Minsch un Maler oewerstahn. Dor kann ick blot denn Haut trecken!

Sei künnen sick inlaten un dat lütt Bäten bestaunen, wat ehr bläben wier: ehr Binnenläben, de Olldag, de Natur mit ehr trüchhollern Kraasch. Sei bruukten ehre Oogen, keeken nipp un nau hen, künnen seihn as Künstlers. Sei harden kein ideelles Programm nich, man, all dat, Woans sei dat makt hebben, wier all geistig un ok moralisch grot. Dat is ok dat, wat wi vun disse Utstellung liehren koenen. Dorut wasst’ne Poesie un ’ne besünner Intimität, vun de Paula Modersohn-Becker schreef: ‚De wohre Intimität is de Seel vun all de Kunst.‘"