Trummel vun de 8. Fahn vun de Rostocker Börger

• Holt, Pergament, Tüüch
• Rostock
• 1756

Dorför, de Stadt tau verteidigen, sünd de Börgers sülwst taustännig. Sei sünd in „Fahnen“ indeilt, dat heit Afdeilungen nah ehr Wahnquartier. De Utrüstung möten sei sick sülwst ranschaffen. Poor Saken organisiert oewer ok de Rat. De Infanterietrummel hüürt tau de Utrüstung vun de 8. „Fahn“. Mit de Trummel hett de Tambour Alarm gäwen orrer hei hett bi’t Marschieren trummelt.

De Utrüstung möt de Börgerfahn sülwst verwalten un uphägen. 1758 sallen de Fahnen de Utrüstungen, de de Stadt hüüren, un de Trummeln trüchgäben, wiel dat Kuddelmuddel dormit gifft. Poor vun de Fahnen koenen blot tweiige Saken, Klötterkram orrer gornix trüchgäben. Dat wiest, dat disse Oort vun Militärverfatung ‘n Problem is.