Elektrisch Lamp vun den Lüchttorm Duurnbusch
Mihr Billers
- vun RFT Berliner Lampenfabrik (?) herstellt
- bi 1960 rüm
- 30 cm hoch
As dat Lüchtfüer up Halogenmetalldamplampen ümrüst‘ ward, kümmt disse 2000-Watt-Lamp in dat Museum. An Anfang wüür de Duurnbusch mit Petroleum beleucht‘ west, vun 1927 an denn elektrisch. Üm de Lamp rüm dreiht sick ümmer egal wech de Prismenupsatz. För 0,8 Sekunden lücht‘ dat Licht up, denn is’t för 9,2 Sekunden düster – dat is de „Kennung“ vun denn Duurnbusch.
De Lüchttorm Duurnbusch, de 1887/88 buugt wüür, de Lüchttörm up Mön, an denn Darßer Urt un up Kap Arkona maken dissen Deil vun de Ostsee säker. De „Süderlüchttorm“, de 1906/07 buugt wüür, wiest de Infohrt in dat Fohrwater bi’n Gellen. De Lüchttorm Duurnbusch is dat Wohrteiken vun Hiddensee un jedet Johr kamen 50.000 Besäuker, üm em tau bekieken. Vun dor ut können sei wiet oewer Hiddensee un Rügen, nah Stralsund un sogor bet tau de dänschen Insel Mön kieken.
Text: J.L.
