Kavelkasten vun de "Groot Partie" Neuendorf mit Kavelhöltken

• Holt mit’n Missingschlott
• üm 1880
• 14 cm lang

De Upschrift vertellt, dat de Kasten de "Groten Fischerkompagnie Neuendorf up Hiddensee“ hüürt. Dorin liggen 2–3 cm lang Höltken, in de de Huusmarken vun de Maaten inschnäden sünd. Sei warden as Kawel nahmen.

Dor achter stickt, möt’n weiten, dat sick vun de 1880er Johren de Fischerie bannig verännert. De Grotrüüsen warden inführt un so kümmt dat up Hiddensee dortau, dat sick Fanggemeinschaften mit genossenschaftlich Ordnung tausamenschluten. De modernen Fanggerätschaften sünd düer un dormit sick de Fischerslüüd dat leisten können, schluten sick de miehrere Gemeinschaften ümmer tau Partien tausamen.

In de staatschen Rüüsenschuppens finnen ok de Tausamenkünfte statt. Dor warden twors ok de Netten utflickt un dat Arbeitsgerät pläächt. De Arbeiten, de in ein Partie grad anfallen, warden mit de Kawel ut denn Kasten utkawelt. As Kontrull, dat dat ok gerecht taugüng, wüürn de Resultaten an de Dackbalken anschräben. Jedein vun de Maaten möt jede Arbeit dreimal maken, denn warden de Balkens wedder reden makt. Bi dat nächst Mal Kaweln fangen alle wedder bi Null an.

Walter Hütteberg hett dissen Kasten 1967 dat Heimatmuseum Hiddensee schenkt.