Doos för’ne Hauv mit’n Spruch up

• Spaanholt, üm 1850, Waren, 52 cm lang

Up’n Deckel süht’n ein Poor, dat sick ümfatt‘. De Spruch gifft ein Oogenspeigel vun Moral un Religion: „De wohre Leif verbinn’t de Harten tau de gröttst‘ Plicht un leit‘ uns in den Fräden bi de Palmen in den Häwen.“ De Spaandoos is ut de Sammlung vun den Warener Volkskundler Richard Wossidlo (1859-1939). De Gymnasialperfesser hett bannig väle Saken sammelt, de wiesen, woans de Mäkelbörger in Stadt un Land läwten. De miehrsten Sammelstücken sünd hüüt in dat Museum Schwerin-Mueß.