Uniform vun ein‘ Luftschipper vun de INTERFLUG Betriebsdeil Agrarfleigen (DDR)

• Kröpelin, 1980er Johren, Rüch 70 cm lang

De Uniform hüürt den Fleigerkaptein Herrmann Steglich ut Kröpelin vun de INTERFLUG, Afdeilung Agrarfleigen. Hei hett de antreckt, wenn dat offiziell orrer feierlich wüür. De Fleigerie vun de Agrarluftschippers wier siehr besünners: bet tau 80 mal an‘n Dag in de Luft stiegen un heil wedder dalkamen up bülterige Pisten, fleigen blot 3 Meters oewer‘n Acker, dat wier Olldag för sei. De Fleiger sprütten un stöwen gägen Käper un Aastüüg, bringen Dünger orrer seien wat ut.

As 1955 in de DDR de Luftschipperie upbuugt ward, twält sick ok de Betriebsdeil „Wirtschaftsfleigerie“ dorvun af. Nah 1968 ward dorvun denn de Afdeilung „Agrarluftschipperie“. Mit dat Enn‘ vun de DDR finnt‘ ok disse Fleigerie in Mäkelborg-Vörpommern ehr Enn‘.