"A-Stoff-Zerstäuber" – Suerstoffdüs‘ vun ein A4-Raket‘ (V2)

• Missing
• 1943
• 6 cm hoch

Dat Aggregat A4 ward dörch Flüssigkeit andräben. De Raketenbuuglüüd vun Peenmünn‘ versäuken passige Düsen tau maken, dörch de de verschieden Stoffe, de de Raket‘ andrieben sallen, dörchspritzt warden. De twei Stoffe warden denn tau’n fienen Näwel vermengeliert un denn anbrennt. För den flüssigen Suerstoff warden disse missingschen Düsen ("Zerstäuber") in de Mitt anbröcht. Sei heiten "A-Stoff-Zerstäuber".

Bi de Vergrötterungen kann’n de inpräägten Teiken seihn (v.l.n.r.): Heeresafnahmstempel mit den Rieksadler un de Nummer vun den Prüfbeamten, "erl" as geheime Afkörtung vun de Firma, de dat tauliefert hett Fa. H. K. Rudolf, Pilsen/CSR un "1943" as dat Buugjohr.