Modell vun ‘ne Infanteriemine PPM-2

• 1979, Dörchmäter: 13 cm

Dat Modell vun de Boddenmine PPM-2 is ‘ne Erfinnung vun de DDR un sei nähmen dat för de Utbillung. Disse Minen leggen de DDR-Grenztruppen twüschen 1977 un 1985 an de innerdüütsche Grenz ut. All 1961 hebben DDR-Soldaten bi Stücken vun de Grenz, wo sei meinen, dat Lüüd afhaugen koenen, Minenfeller inricht, de sei intüünen un utschillern. Liekers warden miehrere Lüüd, de up de Flucht wieren, dörch de Minen dull verletzt orrer sogor ümbröcht.

De Minen, de in de Ierd liggen, möten upwennig ünnerhollen warden. De Boddenmine PPM-2 ward mechanisch utleggt un ok wechrüümt. Sei kann 5 Johren in de Ierd liggen. De Sprengstoff dorin is 130 Gramm TNT.