Modell von dat Kröpeliner Dur üm 1700

• Holt Modellbu: BQG Neptun Rostock, 2006 (na denn Plan von dat Amt för KUltur un Denkmalplääch)
  Maßstab. 1:100 / 80cm breit / 70 cm hoch / 160 cm deip

Stadtdure sallen ümmer ok wat dorvun wiesen, wo riek de Stadt is. Dorüm hebben de Rostocker Ratslüd in de Hansetiet, as sei fast in denn Saddel seten, fastlecht, dat dat vörige Dur upstockt warden süll up fief Etaschen. Ok dat Dack wür schmückt mit so’n piel hochstahn Dackrieder un vier gotisch Staffelgäwel. Üm Feinde uttauspinkelieren un aftauwehren wür ein hölten Wehrümgamg anbuucht. Dat wier ok Mod’, Vördure intaurichten, de ok de Brüch œwer denn Wallgraben dorstellten. Dat wier ’ne tausätzlich Afwehr von Lüd, de angriepen wullen. Disse Buoort wier von de Borgen in’t Middelöller afkäken.

Denn Namen hett dat Dur von de nächst Stadt westsieds: Kröpelin.