Grünnungsurkund‘ vun de Stadt Strelitz vun den 4. Dezember 1349

• Tint‘ up Pergament, sieden Fadens un Wachssiegel, 27,3 cm lang

In dat Land Stargard warden as niege Middelpunkt‘ vun dat Land twüschen 1236 un 1270 de Hohge Borg Stargard buugt un nah 1290 de Borg Strelitz. 1248 is de Stadt Niegenbramborg trecht un 1288 Fürstenbarg. 1349 ward denn de Stadt Strelitz grünnt‘. In de Grünnungsurkund sünd de Rechte vun de Stadt upschräben. Handwarkslüüd sallen hier tautrecken un de Ratsherren kriegen dat Recht, Gilden un Gewarke tau grünnen. Dat Land, dat de Stadt hüürt, ward an de Buern, de hertrecken verpacht‘ un de Hollen un Feller an Lehnsherren gäben.

De Inwahners vun Strelitz warden ordnungsgemäße Börgers vun de Stadt. Binnen in de Stadt gellt dat Recht vun de Mark Bramborg. De Tüügen vun de Urkund‘ sünd Otto un Ulrich Grafen tau Fürstenbarg. Sei ehr Wappen mit‘n Ridder is ünnen up dat Siegel ut Wachs tau seihn.