Drachtenbild "Rügen - Mönchgaud"

• Chromolithographie,
  teiknung: Albert Kretschmer (1825–1891), Leipzig, Druck: Chromolithographisch Institut vun Gustav Leutzsch, Gera (Reuss),
  2. Hälft vun dat 19. Johrhunnert, 31,5 cm hoch

Dat Bild vun de Mönchgauder Dracht gifft Utkunft oewer de Kledaschen ut de Tied. Dat Poor in denn Vördergrund drägt de Grundform vun disse Dracht, ok de Kinner, de spälen, hebben dat an. Besünners is, dat de Teikner ok de Achtersiet vun de Drachten wiesen deit.

In de Mitt steiht’n Brutpoor. Rechtsch un linksch dorvun an denn Rand vun dat Bild kann’n de Arbeitsdracht vun de Buern un de infache Dracht, de tau Kirch dragen wüür, tau seihn.

Hinnen in dat Bild is ok noch dat Mönchgauder Buernhuus teikent un so giwwt dat ’n ok noch ’ne Insicht in dat Läben up’t Land un woans üm 1860 buugt wüür.

De Maler is Perfesser Albert Kretschmer, Maler in dat Königlich Hofftheater tau Berlin. Twüschen 1864 un 1870 studiert un teikent hei hellsch genau de düütschen Volksdrachten. Mit sien „Grot Bauk vun de Volksdrachten“ hett Kretschmer ’n Bauk tau’n Nahschlagen för de Drachtenkunn makt.