Stüerinnahmewagen

• Holt, anmalt
• üm 1850
• 120 cm lang

Mit dissen Wagen hett de Stellmaker ‘n Kunstwark makt. De lütte hölten Wagen hett ‘n Deckel, den‘n afschluten kann. De düstergräune Farw mit de gälen Kanten seggen all, dat hier wat Besünners in is. Dat is de Handwagen vun den Stüerkassierer, den „Akzisebeamten“, vun de Grotherzoglichen Hauptkass in Schönbarg vun 1850.

Mit dissen bäteren Handwagen treckt de Stüerkassierer, woll tausamen mit‘n „Districthusaren“ vun Huus tau Kaat oewer de Dörper un sammelt de Stüern, so as de Kontributionsstüern vun de Lanneskinner in. Vun buten süht hei noch so blank ut, oewer binnen is tau seihn, dat hei väl bruukt is.