Georg David Matthieu, Bild vun den Landmarschall Vollrath Levin vun Maltzan

• üm 1770, Öl up Holt, 147cm hoch un 117 cm breit

De Freiherr Vollrath vun Lewin sitt an de Siet vun ein Kommod‘ un höllt ein Bauk vör sick. Lewin is Arwlandmarschall up Grubenhagen un de Baas vun de Mäkelborgschen Ridderschaft. Anners as de herzogliche Familie höllt hei sick mit de Pracht vun siene Kledaschen trügg. Hei hüürt tau de, de den „Landesgrundgesetzlichen Erbvergleich“ ünnerschräben hebben.
De Herzog lött de herzogliche Familie, de Deinerschaft un ok den Hoffzwerg läbensgrot vun Georg David Matthieu up hölten Tafeln malen.

Dat Wichtigst’ is, woans de staatschen Kleeder, Möbel un allens, wat süss noch tau ehr hüürt, un ok de Beslag malt sünd. De Kleeder vun de Damen un Herren sünd Festdagskleeder. Sei sünd tau’n Repräsentieren gaud un üm tau wiesen, wegge ein vörstellt.
Dat kann angahn, dat sei dunntaumalen fasziniert wieren vun disse Biller un de Illusion, de disse Tafeln weddergäben. Sei seihn so reell ut, dat ein glöben kann, dat de Biller de echten Bewohners in‘ Schlott verträden, wenn de nich tau Huus sünd. Väle Bewohners hebben ‘ne Wahnung in Schwerin un so koenen de Biller ok ein Stellverträder vörstellen. Dat Vörbild wieren engel’sche Kaminbiller.