Otto Lilienthal "Woans de Vagels fleigen un dat de Grundlaach vun de Kunst tau fleigen is"

• R. Gaertner’s Verlagsbaukhannel
• Berlin 1889
• 23,5 cm hoch

De vullstännig Nam vun dat Bauk heit: "Woans de Vagels fleigen un dat de Grundlaach is för de Kunst tau fleigen. Ein Bidraach tau de Systematik vun de Fleigetechnik. Up Grund vun väle Versäuke, de G. un O. Lilientahl makt hebben un de Otto Lilienthal, Ingenieur un Maschinnefabrikant ut Berlin, bearbeit‘ hett." Dat is de ierst Text för de Wätenschap, de dat, wat ‘n bet tau de Tied oewer dat Fleigen wüsst hett, ordentlich un nah ein System beschräben hett. Dor sitt allens in, wat de Bräuder Lilienthal in 23 Johren dörch kieken un versäuken rutfunnen hebben. De Sprak is extra so infach un tau verstahn, dat jedein Minsch sick mit de Idee, dat Minschen fleigen warden, befaten kann. So süll dat Fleigen väle finnen, de dat ünnerstütten. Dat ierst in dat Bauk sünd de Vagels un woans die sick bi dat Fleigen bewägen daun. Ierst an dat Enn vun dat Bauk warden Möglichkeiten beschräben, woans de Minsch woll technisch un mit Kunst Apparate tau’n Fleigen buugen künn.