Skipnavigation Virtuelles Museum zur Geschichte Mecklenburgs und Vorpommerns

Springe direkt zu:

Menü öffnen
Gägend un Ümwelt | 1900 bet 1950 | Mäkelborg bet 1945

Afbild vun Karl Bartels

Bild

Mihr Billers

Karl Bartels (1884–1957) hüürt tau de Vördelsten bi den Naturschutz in Mäkelborg. Siene besünnern Biläwnisse in de Natur hebben sien‘ Läben ehren Stempel updrückt. As hei wägen siene Arbeit an de Müritz kümmt, grünnt hei in Waren de „Vereinigung för den Heimatschutz“. De Verein gifft siene Arbeit för den Naturschutz ‘n Upschwung un miehr Gewicht. In dat Johr 1936 ward Karl Bartels in’n Kreis taustännig för Naturschutz un 1946 Kreisdenkmalpläger. Bartels erfatt‘ in den Kreis Waren 884 Naturdenkmäler mit 2020 enzelten Objekten. Hei dokumentiert ok 502 Deile vun de Landschaft, de wiert sünd, schützt tau warden.

Sien Läben lang sett hei sick in för den Schutz vun Vagels un de Natur, wo sei läben. Hei begrünnt‘ vier Naturschutzrabeiten. Dat mit dat gröttst Bedüden is an dat Ostäuwer vun de Müritz tau finnen. De Anfang wier ein besünners wiertvullet Rabeit as ornithologisch‘ Vagelfriestäd‘, de Karl Bartels sichern deit. 1949 kümmt dat endlich tau Klappen mit den Schutz vun dat NSG „Müritzhoff“. Dorför hett hei ollig ‘n poor Johren kämpft gägen Amtsschimmel, Anwahners un Lüüd, de Land dor hebben. Dit Rabeit mit 4832 ha hüürt ok hüüt noch tau den Müritz Nationalpark, de 1990 grünnt wüür.

Text: R. S.

gelesen von Nobert Schröder

Dat Originalutstellungsstück finnst du hier:

Dit Utstellungsstück hüürt tau:

Kontakt

Müritzeum

Zur Steinmole 1
17192 Waren (Müritz)