- 1995, 115 cm wied
Dat Modell versöcht tau wiesen, wo grot un dägt de Slawenborg „wiligrad-michelenborg“ west is. Disse Borg is in‘t 6./7. Johrhunnert buugt un is de Uurt, wo de Stamm vun de Obodriten sitt. Sei steiht 6 km südlich vun de Wismer‘schen Bucht. De Wall is oewer 10 Meters hoch un ümfatt mit siene Eierform 1,4 Hektar. Dörbi hebben sei ‘ne Oort vun Konstruktschion anwennt‘, de bi de Slawen nich väl vörkamen deit: sei hebben ümmer Holtbohlen un Ierdpackungen afwesselt un oewer‘nanner schichtwies updragen.
De Plan för dat Modell is vun dat enstahn, wat Forschers bi de wissenschaftlich‘ Ünnersäukungen vun 1969-1971 rutfunnen hebben. De Borg harr ‘ne dulle Geschicht‘, wo dat ümmer mal wedder hen un her güng. Dorüm is ok nix nahbläben as ‘n lütten Barg an de Städ, wo hüüt de Kirchhoff is. Dat is oewer liekers ‘n Boddendenkmal in Mäkelborg, wat eins vun de iersten wier.
Text: F. H.
