Skipnavigation Virtuelles Museum zur Geschichte Mecklenburgs und Vorpommerns

Springe direkt zu:

Menü öffnen
Novemberrevolutschion in Mäkelborg un Pommern 2

De Wech tau denn 14.11.1918

Historisches Schwarzweiß Foto: Saal des Rathauses Sternberg - Tagungsstätte des ständischen Landtags
Fotograf nich bekannt, Quelle: Heimatmuseum von de Stadt Sternberg Tagungsstätt von denn ständischen Landdach in denn Sterberger Rat De letzt Landdach fünn 1917 in Sternberg statt.

In de Johren vör de Revolutschion wieren de beiden Grothertochshüser Mäkelborg-Schwerin un Mäkelborg-Strelitz all fast in de Politik von dat Düütsche Riek inbunnen. Mäkelborg’sche Regimenter hebben in denn Iersten Weltkriech as Part von de prüß’schen Armee kämpft. Väle Mäkelbörger hebben ok in denn Kaiser siene Marine deint.

Wenn’n sik de Binnenpolitik von Mäkelborg ankiekt, wier dat Land wiet taurüch: in kein anner Land von dat Düütsche Riek gäf dat noch ’ne ständisch’ Verfatung. Poor mal hett dat bet 1918 nich klappt, ’ne konstitutschionelle Monarchie intaurichten. Nu würn an denn 3. Dezember 1918 de Stänn’ as Körperschaften von dat öffentlich Recht in Mäkelborg uphaben, kort dornah ok in Strelitz.

Bild

De Kriech hett de Wirtschaft in Mäkelborg miehrstendeils rungscheniert. De Hannel föll in sik tausamen, Schäpen würn in de Habens von de Kreichsgägners œwernahmen, in dat Binnenland würn Pier un anner Saken tausamenschrapt. Kuurn, Veih un Fauder mösst an de Militärverwaltung liefert warden. Upschwung harden up de anner Siet de Betriebe, de för denn Kriech produzieren deden. Je länger de Kriech güng, ümso weniger gäf dat tau äten un allens fählte œwerall. All 1917 un an denn Anfang von 1918 gäf dat Upstänn’ un Streiks.

Schwarzweiß Foto: Friedrich Franz IV , seine Frau Alexandra und die beiden Söhne Anfang 1918 mit Schwiegereltern, dem Herzog und der Herzogin von Cumberland
Quelle: Stadt­archiv von Schwerin Grothertoch Friedrich Franz IV. mit siene Fru Alexandra, siene beiden Sœhns un de Mudderöllern, denn Hertoch un siene Fru von Cumberland

De Grothertoch un siene Familie krägen dorvon gor nix mit un läften fidel as ümmer. Dat Foto wiest denn Grothertoch Friedrich Franz IV. mit siene Fru Alexandra, siene beiden Sœhns un de Mudderöllern, denn Hertoch un siene Fru von Cumberland. Dat wiest an dit lütt mäkelborger Bispal, wo fast de Eddelhüser in Europa tausamentüünt wieren. De Hertoch von Cumberland wier ’n Cousin üm poor Ecken von denn englischen König. Hei stünn in denn Kriech œwer up de düütsche Siet un sien englisch Titel güng 1919 verluuren.

Schwarzweiß Foto: Großherzog Friedrich Franz IV in Uniform (1914)

Grothertoch Freidrich Franz IV. in Uniform

Friedrich Franz IV., Foto ut dat ierste Johr in denn Kriech. Nahdäm Adolf Friedrich VI. von Mäkelborg-Strelitz sik (wohrschienlich) sülfst dat Läben nahmen har, hett de Grothertoch von Schwerin an denn 27. Februar 1918 dat Regieren ok in denn lütteren mäkelborgschen Staat mit œwernahmen.

Quelle: Stadtarchiv von Schwerin

Schwarzweiß Foto: Demonstration am 8. November 1918 auf dem Wismarer Markt, eine Menschenmenge vor dem Rathaus, zwischen Menschen und Fotograf ist noch das Pflaster des Marktes zu sehen.
Quelle: Stadtgeschichtlich Museum Wismar Demonstratschion in Wismar an denn 8.11.1918

Demonstratschionen in Wismar, Rostock un annerwägens

Na de Meuterie in Wilhelmshaven un denn Upstann von Arbeiters un Matrosen in Kiel wier dat blot ein korter Wech na Mäkelborg. So keemen de Narichten un Födderungen ut Kiel an denn 7. November mit’n Schipp in Wismar an. An denn 8. November treckten de Arbeitslüd un Matrosen ut Wismar all dörch de Stadt tau denn Markt. De Maten ut denn Arbeiter- un Suldatenrat höllen up denn Balkon von dat Rathus ’ne Räd’. Vördem har de Rat von Wismar tausäkert, dat hei mit denn Arbeiter- un Suldatenrat tausamenarbeiten ward.

Ausschnitt aus der Mecklenburgischen Volkszeitung vom 10.11.1918: Öffentliche Volksversammlung am Sonntag, 10. Nov., vomittags 10 Uhr, auf der Rennbahn, Tages-Ordnung: die neue Volksregierung in Schwerin, Referent: Redakteur F. Starosson
Quelle: Stadtarchiv von Schwerin Aufruf zur Demonstration am 10. November in Rostock

In de Daach dornah fünnen ok in anner Städt’ von Mäkelborg un Pommern Demonstra­tschionen statt. Dat Bild wiest ’n Utschnitt ut de Mäkelborgsche Volkszeitung von denn 10. November 1918.

De as Referent ankünnigt’ „F(ranz). Starosson“ wier ok ein Minister von de Œwergangsregierung, de ünner denn Indruck von de Demonstratschionen an denn 8.11. fix entstahn wier. Later is hei ok ein’ von de, de de Afdankungsurkunn’ von denn Grothertoch mit ünnerschräben hebben.