De Herrschaft œwer hunnerte von Johren finnt ein Enn

Gaud hunnert Johren trüch, fief Daach nadäm de Kaiser Wilhelm II. in Berlin afdankt harr, güng ok de Monarchie in de beiden mäkelborgschen Hertochshüser tau Enn. Grothertoch Friedrich Franz IV. wier ein’ von de letzten in dat Düütsche Riek, de regieren deden. An denn 14. November 1918 dankte hei ok af. Dunn wier de œwer hunnerte von Johren olle Herrschaft œwer Mäkelborg tau Enn. Anfungen in dat 12. Johrhunnert mit denn Slawenfürsten Niklot un sienen Sœhn Pribislaw, har dat Hus Mäkelborg miehr as 800 Johren regiert. Dat wier väl länger as de Hohenzollern in Prüßen orrer in de prüßisch Provinz Pommern.