Politik 1750 bet 1800

Lannesgrundgesetzlich‘ Arw-Utgliek <br> 1755 Lannesgrundgesetzlich‘ Arw-Utgliek
1755

Lannesdeil Mäkelborg

De „Lannesgrundgesetzlich‘ Arw-Utgliek“ schrifft 1755 dat Recht un de Plichten vun de Ridderschaft fast. Dorbi warden de feudalen-grundherrschaftlichen Angewöhnungen tau upschräben Recht makt. Dat heit ok, dat de Ridderschaft dat Recht hett, de Buern dat Land wegtaunähmen un sick dat Land sülwst ‘rintaufräten. Blot Dörper in Ganzen dörben sei nich „leggen“.

Bi den Soebenjöhrigen Krieg (1757–1763) makt Mäkelborg nich direktemang mit, oewer Soldatentruppen trecken dörch dat Land.

1795 kümmt dat tau Upstänn‘ vun de Handwarkslüüd in de mäkelborg’schen Städten, vör allem in Rostock un Schwerin. In Rostock un Güstrow plünnern de Lüüd 1800 Ladens un Spieker. Dat Militär möt de Upstänn‘ dalschmieten.

Anton Graff, Friedrich der Große Anton Graff, Friedrich de Grote, König vun Prüßen, Bild vun 1781

Lannesdeil Vörpommern

Dörch denn Soebenjöhrigen Krieg (1757–1763) ward de Gägend all wedder dat Flach tau’n Dörchmarschieren un Kämpfen. 72 000 Pommern kamen üm un follen. Allens ward utplünnert, wat väl Schaden makt. Dornah gifft de Prüßenkönig Orrer för ein Upbuugprogramm.

1779 setten sick in Prüß‘sch-Vörpommern Reformen dörch, de dat Läben för de Liefeigenen bäten erdräächlicher maken. Vun 1780 an oewernimmt de Pommersch‘ Landschaft, de ut Eddellüd besteiht, Upgawen, wo repräsentiert ward. Politisch hebben sei in denn Kreisdag wat tau seggen.

Utstellungsstücken tau dat Thema Politik:

(Wähl di 'n Utstellungsstück orrer 'ne Tied ut.)

Religion 1750 bet 1800

Kathol‘sche Kirch St. Anna Schwerin, 1791–1795 buugt Kathol‘sche Kirch St. Anna Schwerin, 1791–1795 buugt

Lannesdeil Mäkelborg

De Lannesgrundgesetzlich Arwschaftsutgliek vun 1755 leggt de Tahl vun de jüdischen Familien, de in Mäkelborg läben dörben, up 145 fast. Disse "Schutzjuden" möten "Schutzgeld" betahlen.

De einzigst‘ evangelisch-reformierte Kirch ward 1771 in Bützow weiht un tau de glieke Tied warden de beiden Gemeinden tausamenschlaten. 1795 ensteiht in Schwerin de ierste kathol‘sche Kirch in Mäkelborg nah de Reformatschion. De protestantisch Lanneskirch blifft œwer de ierst Globen, de dat Seggen hett.

Theodor Schwarz, Uferpredigt von Johann Gottlieb Kosegarten in Vitt auf Rügen Theodor Schwarz: Uferprädigt vun Johann Gottlieb Kosegarten in Vitt up Rügen

Lannesdeil Vörpommern

1792 treckt Ludwig Gotthard Kosegarten as Paster nah Altenkirchen up Rügen. Hei gifft de olle Traditschion vun dat Prädigen an de Waterkant wedder Kraasch. Hei makt dat wedder un vermengeliert dat mit Ermahnungen ut denn Volksgloben. De Lüüd mœgen dat un hei prädigt vör Hunnerte. Disse Prädigten maken em bekannt ok an dat Fastland. Later ward hei sogor Theologieperfesser in Griepswold.

In Schwed’sch-Vörpommern verlööfen sei 1761 de kathol’sche Seelsorg‘ för de Stralsunner Suldaten. 1785 buugen sei ‘ne kathol’sche Kapell.