Läbensoort 1750 bet 1800

Ostseebad Heiligendamm üm 1800 Ostseebad Heiligendamm üm 1800

Lannesdeil Mäkelborg

Dat Handupleggen orrer dat Bepüstern sünd de "Heilmethoden", de jedein kennt. Dat gifft ok Rituale, de gesund maken sallen: taun Bispill bi Vullmaand dörch Löcker mang de Telken vun ein Boom tau krupen. De „Krupeiken“ sünd dorför bi de Lüüd bekannt. Up disse Oort ward ok dat Veih kuriert. Dat letzt‘ Mal, dat in Mäkelborg ‘ne "Hex" anklagt wüür, wier 1777. Ok Barbiers un Wunddokters heilen de Lüüd, laten sei tau Ader orrer setten Schröppgloes up. Moderne Medizin vun studierte Dokters sett sick ierst laat dörch. Dat Seebad Heiligendamm geiht bi dit oewer vöran un gellt in Düütschland as fuurtschrittlich.

Demmin_1759 Belagerung vun Demmin dörch de Prüßen, 1759

Lannesdeil Vörpommern

In denn Sœbenjöhrigen Krieg (1757–1763) trecken de Lüüd vun Land in de Stadt, wiel sei Hunger hebben. Dordörch ward de Not in de Städte ümmer grötter. In Schwed’sch-Pommern läben bilütten ümmer miehr Lüüd, man in Prüßisch-Pommern blifft dat so bi, dat dor kuum Lüüd wahnen.

Dat Läben vun de Minschen richt sick oewer eihrer nah de Johrestieden orrer so’ne Dag as St. Martin (11.11.), wo de Paster ‘ne Martinigaus kreeg, orrer as Antonii (31.1.) un Jehanni (24.6.), wo de Pacht un anner Saken betahlt warden. Ostern un Wiehnachten sünd Kirchenfeste.

Utstellungsstücken tau dat Thema Läbensoort:

(Wähl di 'n Utstellungsstück orrer 'ne Tied ut.)