Kunst un Buugkunst 1950 bet 2000

Kultur- un Billungshuus in Niegenbramborg 1965 Kultur- un Billungshuus in Niegenbramborg 1965

Lannesdeil Mäkelborg

Bi den Buug vun de Langen Strat in Rostock hett Joachim Näther den Haut up.

Kulturereigniss‘ as de "Ostseewoch‘" warden vun 1975 an as "Rostocker Sommerfestdag‘“ orrer as "Biennale för moderne Kunst“ orrer as "Muskantendrapen Ostsee un Bäukermarkt“ wieder makt. De Pressefeste vun de Bezirkszeitungen vun de SED laten sick as Volksvergnäugen an. Dat Volkstheater Rostock un dat Mäkelborg‘sch Staatstheater Schwerin finnen ok in‘t Utland Beachtung.

Fritz Reuter, Gerhart Hauptmann un Ernst Barlach kriegen Museen, dörch de sei acht‘ un iehrt warden. 1969 un 1970 kriggt Rostock Museen för Schippsbuug un Schippfohrt. Schwerin, Rostock, Dörp Mäkelborg, Olt Schwerin un Klockenhagen kriegen technisch‘, historisch‘ un Agrar-Museen.

Dat niege Verständnis vun Arwdeil un Traditschion bringt Museen för Heinrich Schliemann in Ankershagen un Johann Heinrich von Thünen in Tellow. Dat Schlott in Güstrow un de fürstlichen Stuben dor in warden wedder trechtmakt. De Denkmalpläg kriggt dörch de Versammlungen vun de internatschionalen Organisatschion ICOMOS 1977 un 1984 Upschwung.

Nah 1990 ward dat Angebot vun Kultur noch bäter makt. Theater, Museen, Musikschaulen, de vör allem in as Denkmal schützten Hüüsern sünd, warden modernisiert. De Barlach-Gedenkstäd in Güstrow kriggt ‘ne niege Hall för de Utstellung un ein Grafikkabinett. Dordörch ward sei tau ‘n Personalmuseum, dat in de Welt anerkennt is. Väle Taukiekers warden antreckt vun den Musiksommer Mäkelborg-Vörpommern un vun dat Buten-Musiktheater in Schwerin, wat dat Mäkelborg‘sche Staatstheater jedet Johr maken deit.

vörwards
Ozeaneum in Stralsund, Eingang Ozeaneum Stralsund,
2008 upmakt

Lannesdeil Vörpommern

De Utbuug vun de Binnenstädte siet de 1970er Johren bringt dat ok mit sik, dat grote Stadtviertel afräten warden, wo œwer noch historisch Hüser stünnen, de dat Wiert west wieren, sei tau erhollen, tau‘n Bispill in Griepswold. Gotisch Kirchen un Klöster warden as Denkmal plägt.

Gerhart Hauptmann sien Sommerhus up de Insel Hiddensee ward tau‘n Museum. In Stralsund ward dat Meeresmuseum upbuugt, wat sik ‘n Namen makt.

1986 ward in de Utstellung "Kunstschätz‘ ut denn Nuurden vun de DDR" in Stockholm de Hiddenseer Goldschatz wiest.

So in de Mid‘ vun de 1980er Johren ward dat ok wedder verlööft, sik up de pommersch‘ Geschicht tau besinnen. Ok offiziell ward dat miehr, dat‘n sik mit de Geschicht vun dat Flach, wo‘n lääft, beschäftigen deit.

Nah 1990 ward de Taugang tau Kultur ümmer bäter. 2002 warden Stralsund un Wismer "Weltkulturerbe" wägen ehre Architektur ut dat Middelöller. In Griepswold makt dat Pommersch Lannesmuseum up mit allens, wat bet dunn noch in Kiel inlagert wier. 2008 ward bi dat Meeresmuseum in Stralsund, wat nu Ozeaneum nömt ward, ‘n dullen Niegbuug henstellt. Väle Besäukers warden antreckt vun denn Üsdomer Musiksommer un vun de Bach-Wochen in Griepswold.

vörwards

Utstellungsstücken tau dat Thema Kunst un Buugkunst:

(Wähl di 'n Utstellungsstück orrer 'ne Tied ut.)