Dynastie bet 1200

De Dod vun den Slawenfürsten Niklot <br>1160 De Dod vun den Slawenfürsten Niklot
1160

Lannesdeil Mäkelborg

Oewer den slawischen Borgherrn Nakon ward in dat 10. Johrhunnert schräben, dat hei so’n bannig starken Fürst is as Miesko I. vun Polen orrer Boleslav vun Böhmen. In de ollen Schriftstücken warden de Obodritenfürsten ofteins so beschräben as wenn sei Königs wieren.
1167 gifft Heinrich de Löw‘ Pribislaw, de nu ‘n Christenminsch wurden is, dat Land vun den sienen Vadder tau’n Lehen. Pribislaws Vadder wier de Slawenfürst Niklot, de 1160 in ein’n Slacht fallen is.

Bogislaw-I-1170, Nachzeichnung F.A. Vossberg 1854 Siegel vun den Herzog Bogislaw I., 1170.
Vun F.A. Vossberg 1854 nahteikent

Lannesdeil Vörpommern

Wartislaw I. (dot bläben üm 1147) is de ierst pommer’sch Herzog, öwer den’n ‘ne Urkund‘ tau finnen is. Noch hüüt is in Stettin de Anbarg tau seihn, wo hei siene Hauptborg henbuugen laten hett. As hei storben wier, hett sien Brauder Ratibor I. regiert (dot bläben 1156). Dornah öwernähmen de Soehns vun Wartislaw, Bogislaw I. (üm 1130–1187) un Kasimir I. (nah 1130–1180) tausamen dat Regieren. Dat kann hüüt nich miehr genau weiten, wat Bogislaw Rieksfürst worden is. Siene beiden Soehns Bogislaw II. (1177–1220) un Kasimir II. (üm 1180–1219) folgen em nah un regieren nah em.