Dynastie 1900 bet 1950

Den‘n Grotherzog siene Familie 1910 Den‘n Grotherzog siene Familie 1910

Lannesdeil Mäkelborg

Adolf Friedrich de V. oewernimmt 1904 den Thron in Mäkelborg-Strelitz. Nah em kümmt 1914 sien Soehn Adolf Friedrich de VI., de in Februar 1918 ünner verdüwelte Ümstänn dod blifft. De einzigst‘, de up den Thron folgen kann, is Herzog Carl Michael, oewer dei sleiht den Thron in’n Wind un seggt af. Dorüm föllt Strelitz an Friedrich Franz den IV. vun Mäkelborg-Schwerin. Oewer de Einigkeit is man kort, denn de Grotherzog dankt midden ind e Revolutschion an den 14. November 1918 af. Hei verliert sienen Regententitel Grotherzog, oewer inoffiziell führt hei em bet tau sein Enn 1945 wieder. De öllst‘ Soehn vun em, Friedrich Franz, ward Stormbannführer bi de Waffen-SS un hei ward ok later vun de Thronfolg, de dat tau arwen gifft, utschloten. De Grund wier de Hochtied 1943 mit ein Fru, de nich ebenbürtig wier.

Kaiser Wilhelm II. mit seiner Frau Auguste Viktoria 1933 im Exil - Bundesarchiv_Bild_136-C0805, Kaiserpaar im Haus Doorn Kaiser Wilhelm II. mit siene tweite Fru Hermine 1933 in dat Exil

Lannesdeil Vörpommern

Bi de Novemberrevolutschion vun 1918 ward de Kaiserfamilie vun denn Thron schmäten un neiht ut nah Doorn in de Nedderlanden. Wilhelm II. blifft œwer de Baas vun dat Hus Hohenzollern. Dat Amt œwernimmt nah sienen Dot sien Sœhn, de Kronprinz Wilhelm vun Prüßen (1882–1951). Hei nœmt sik vun 1919 an Wilhelm Prinz vun Prüßen.