Dynastie 1850 bet 1900

Standbild för <br> Grotherzog Friedrich Franz II. <br> 1893 Standbild för
Grotherzog Friedrich Franz II.
1893

Lannesdeil Mäkelborg

Friedrich Franz de II. ward 1842 de nächst‘ up den Thron in Schwerin un hei regiert bet 1883. Hei führt dat Land dörch de Revolutschion 1848/49 bet tau dat Tausamenschluten vun dat Riek 1871. Sien Soehn Friedrich Franz de III. hett Asthma un läwt dat Johr oewer in Cannes, wo hei 1897 vun den Balkon koppheister schütt. Friedrich Franz de IV. is noch nich vulljöhrig un dörüm oewernimmt sein Unkel Herzog Johann Albrecht dat Leit bet 1901. Siene Süster Alexandrine ward 1912 de Königin vun Dänemark. De jünger‘ Süster Cecilie friegt den Arwschaftsprinz Wilhelm vun Preußen un sall düütsche Kaiserin warden, oewer wiel denn Kaiser Wilhelm de II. afdankt, ward dor nix miehr vun. In Mäkelborg-Strelitz regiert Friedrich Wilhelm de II. Hei is konservativ un unmoodsch un  geiht  bannig gägen de Lüüd tokehr, wiel hei dat Land vun de Schulden frie maken will.

Kaiser Wilhelm I Denkmal in Stettin 1900 Standbild för Kaiser Wilhelm I. in Stettin 1900

Lannesdeil Vörpommern

Prinz Wilhelm vun Prüßen (1797–1888) ward all 1830 tau‘n Thronfolger makt, as all klor is, dat sien öllerer Brauder Friedrich Wilhelm IV. kein Kinner kriegen ward. As de König denn dull krank ward, fangt Wilhelm all 1858 dat Regieren. 1861 ward hei krönt. Nah denn Sieg in denn Düütsch-Französ‘schen Krieg ward hei tau‘n düütschen Kaiser. Nah em kümmt sien Sœhn Friedrich III. (1831–1888) as Kaiser för 99 Daach. Nah denn sien tiedigen Dot ward sien Sœhn Wilhelm II. (1859–1941) de düütsche Kaiser.