Dynastie 1800 bet 1850

Friedrich Franz I., Paul Friedrich, Friedrich Ludwig un Georg Friedrich Franz I., Paul Friedrich, Friedrich Ludwig un Georg

Lannesdeil Mäkelborg

Herzog Karl de II. vun Mäkelborg-Strelitz un sien Unkelsoehn Friedrich Franz de I. sünd upklorte Regenten. Beid kamen nah den Sieg oewer Napoleon 1815 in den Stand vun ein Grotherzog. Twei Döchter vun Herzog Karl warden Königinnens. Luise friegt 1793 Friedrich Wilhelm vun Preußen un Friederike twei Daag dornah sienen Brauder Freidrich Ludwig. Luise starwt 1810 in Hogenzieritz. Friederike ward 1837 de Königin vun Hannover. Ehr Brauder Georg oewernimmt 1816 dat Regieren in Niegenstrelitz. De Grotherzog Paul Friedrich, ein Enkelsoehn vun Friedrich Franz den I., richt‘ de Residenz 1837 wedder in Schwerin in.

Friedrich Wilhelm III von Preussen Prüßenkönig

Friedrich Wilhelm III.

Lannesdeil Vörpommern

1815 mœt de Schwedenkönig Karl XIII. Schwed‘sch Pommern an de Prüßen afträden. Lannesherr in de niegen Provinz Pommern ward de Prüßenkönig Friedrich Wilhelm III. (1770–1840). Disse niege Provinz Pommern hett nu wedder dat heile Flach vun dat olle Herzogtum Pommern. Hei führt in siene Titulatur, de vördem all lang wier, wedder den Titel Herzog tau Pommern. Sien Sœhn Friedrich Wilhelm IV. (1795–1861) œwernimmt 1840 denn Thron. De Frankfurter Nationalversammlung drächt em de Kaiserkron an, man, hei schlöcht sei ut.