Dynastie 1750 bet 1800

Adolph Friedrich IV., Christina un Ernst vun Mäkelborg-Strelitz 1760 Adolph Friedrich IV., Christina un Ernst vun Mäkelborg-Strelitz 1760

Lannesdeil Mäkelborg

1764 buugt de Herzog Friedrich – den sei ok den Frommen nömen – dat Dörp Klenow tau de Residenz vun Mäkelborg-Schwerin ut un hei nömt dat nah sienen Vadder Christian Ludwig II. Ludwigslust. 1776 is dat niege Schlott fardig. Nah sienen Dod oewernimmt sien Brodersoehn/ Süsterjung in dat Öller vun 29 Johren as Friedrich Franz de I. den Thron. In Mäkelborg-Strelitz regiert vun 1752-1794 Adolf Friedrich de IV., den Fritz Reuter „Dörchleuchting“ ökelt. Hei lett in Niegenbramborg ein Stadtschlott buugen, wo hei de miehrste Tied regieren deid. Siene Süster Sophie Charlotte ward 1761 engel’sche Königin.

Adolph_Menzel_-_Floetenkonzert_Friedrichs_II_in_Sanssouci Adolph Menzel: Prüßenkönig Friedrich II. de Grote (in de Mitt) bi ein Fläutenkonzert in Schlott Sanssouci

Lannesdeil Vörpommern

De Schwedenkönig Friedrich hett kein Kinner krägen, de up denn Thron kœnen. Dorüm ward Adolf Friedrich vun Schleswig-Holstein-Gottorf (1710-1771) all 1743 up denn Thron wählt un 1751 ward hei krönt. Up em folgen ein nah denn annern siene Sœhns Gustav III. (1746-1792) un Karl XIII. (1748-1818). De prüß‘sche König Friedrich II. hett kein Kinner un dorüm kümmt nah em sien Braudersœhn Friedrich Wilhelm II. (1744-1797) up denn Thron.