Danzpoppenpoor

Holt anmalt, ierste Hälft vun dat 19. Johrhunnert, 25 cm hoch

De beiden Danzpoppen sünd ganz besünners kurios. Sei sünd makt vun den Schlarbenmaker Heinrich Zunk (1819-1884) ut Thandörp in dat Fürstentum Ratzborg. Bekannt is, dat de Danzpoppen bi Dörpbelustigungen in‘n Ümtoch vörup dragen wüür. Tau seihn sünd twei Figuren, de Landkledaschen anhebben, as sei in dat 19. Johrhunnert dragen wüür. De Figuren sünd tweimal ansträken. De Mann hett ‘ne bunte Drachtenwest‘ an, so as dat in de Gägend Bruuk wier. Up‘n Kopp hett hei ‘ne „Kip‘s“, de den Elwsegler ähnlich is.

Dat is schoen antauseihn, dat de Schlarbenmaker Zunk sick väl Mäuh makt hett un sogor den Mann noch‘n Ohrring anhangt hett. Bi de Danzpopp sünd Kopp un Schullern later dortaumakt worn. De Kranz ut Sülwerfadens un Glasparlen is as bi Brutjumpfern üm de Schullern legt.

vörwards

Text: O. B.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Volkskundemuseum Schönberger Land

Volkskundemuseum Schönberger Land

An der Kirche 8/9
23923 Schönberg

museumrz@aol.com

www.volkskundemuseum-schoenberg.de