Elisabeth Büchsel: Truding

1916,  Öl up Leinwand,
118 cm hoch

De Diern up dat Bild kiekt vull Respekt un Gedüür up „Tanten Büchsel“. Sei hett beid‘ Hännen up de Muer stütt, in hellet Sünnenlicht un Truding streckt ehr Lief vull Spannung de Malerin entgägen. Dat helle Sünnenlicht speigelt de witte Wand un de Kleeder vun dat Kind wedder. Ein rosa Füerwerk entsteiht dorut – ein Muster för de impressionistisch‘ Oort tau malen.

Elisabeth Büchsel (1867-1957) is as Dochter vun ein Stralsunner Gewandschnieder buuren. All tiedig ünnerstütt hei dat Talent tau’n Teiknen vun siene Dochter. All as junge Fru is sei as Malerin vun Porträts fraagt. 1888 geiht sei nah Berlin, denn nah München un denn nah Paris, üm bi verschieden Malers tau liehren. Vun 1904 an is sei jeden Sommer up de Insel Hiddensee. Sei hett ehre groten Themen all funnen: de Minsch, de Landschaft, dat Licht. Oewer 50 Johren malt sei Biller vun de Insel un de Lüüd, de dor läben, oewer ok Biller vun ehr Heimatstadt Stralsund hüüren tau ehr grotet Werk tau. Ehre Porträts, besünners de vun Kinner, wiesen, dat sei de infachen Minschen leiwt, mit ehr fäuhlen kann un sei versteiht.

vörwards

Text: D.K.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

STRALSUND MUSEUM

STRALSUND MUSEUM

Mönchstraße 25-28
18439 Stralsund


museum@stralsund.de

www.stralsund-museum.de