Skipnavigation Virtuelles Museum zur Geschichte Mecklenburgs und Vorpommerns

Springe direkt zu:

Menü öffnen
Kunst un Buugkunst | 1900 bet 1950 | Mäkelborg bet 1945

Paul Holz: Muurgägend

Bild
  • 1937, Ruhrfedder in Schwatt up hellgrieset Papier, 63,7 cm breit

De Arbeit Muurgägend wiest, wo trist un duersam de Welt in disse Gägend is: „As schwattet Blie liggt dat Muur, dat Gott vergäten hett, tau besäuken“ schräw Paul Holz eins ünner ‘ne Teiknung, de disse ähneln deit. Blot ‘n bäten Ruhr wasst up den Bodden vun‘t Muur. De ein Boom, de an de Siet steiht, süht ok all as dodig ut. De Biller vun Paul Holz sünd klor un infach un stahn as Sinnbiller för dat Göttliche un för de Schöpfung un för Läben un Dod.

Paul Holz is ein vun de bedüdensten Teikner in de ierst Hälft vun dat 20. Johrhunnert. Mit 70 Blädder, wat väl is, is hei in‘t Schwerin‘sche Kopperstichkabinett verträden. Mit 31 Johren geiht hei vun hier wech nah Breslau, wo hei as Teikenliehrer för Künstlers warkt. Oewer de Verbinnung tau siene Heimat blifft den Künstler, de 1938 denn in Schleswig starwt, ümmer erhollen. Mit de Ruhrfedder teikent hei de Sümp un de Hollen vun siene Heimat.

Text: K. R.

Dat Originalutstellungsstück finnst du hier:

Staatliches Museum Schwerin

Dit Utstellungsstück hüürt tau:

Kontakt

Staatliches Museum Schwerin

Alter Garten 3
19055 Schwerin