Johann Freidrich Drake: Sockelrelief an dat Denkmal för Fürst Wilhelm Malte I. tau Putbus

1854–1859,
nahmakt as Gipsafguss,
116,5 cm hoch

De Fürstin Luise hett 1854 nah den Dod vun ehren Mann an denn Berliner Bildhauger Johann freidrich Drake den Updrach gäben, dat hei ein Denkmal tau Iehren vun ehren Verstorbenen makt. Ein vun de vier Sockelreliefs wiest Karl Friedrich Schinkel vör einen Plan vun dat Jagdschlott Granitz. Hei höllt ‘n Bliefedder in de Hand, so as wenn hei grad in dissen Momang de Teiknung vun denn middelsten Torm tauenn malt hett. Näben em steiht up de linksche Sied de Maler Carl Wilhelm Kolbe d.J. mit seine Palet tun Pinsel, as dat för’n Maler hüürt. Up de rechtsche Sied steiht de dänsche Bildhauger Bertel Thorvaldsen mit Hamer un Steckbetel in de Hännen. So wiesen de Reliefs drei wichtig‘ Künstlers, de för Fürst Wilhelm Malte arbeit hebben, oewer ok de Dreieinigkeit ut Architektur, Malerie un Bildhaugerie. So ward Fürst Wilhelm Malte ok as ein dorstellt, de de Kunst vöranbröcht hett. De annern Reliefs wiesen den Fürsten as den Begrünner vun dat Pädagogium vun Putbus, as Deilnähmer in de Völkerschlacht bi Leipzig un ok dat hei tau’n Fürsten ierst makt wüür. Dat Original vun denn Sockel ut Marmor steiht in denn Schlottpark vun Putbus.

Text: A. H.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Staatliche Schlösser und Gärten Mecklenburg-Vorpommern - Jagdschloss Granitz

Staatliche Schlösser und Gärten Mecklenburg-Vorpommern - Jagdschloss Granitz

Postfach 1101
18609 Ostseebad Binz


jagdschloss-granitz@mv-schloesser.de

www.mv-schloesser.de