Mask

• Melanesien (Nordnieg-Irland/Papua-Niegguinea)
• Holt un anner natürlich Saken, anmalt
• nah 1850
• 44 cm hoch

As sick de düütschen Kolonien in de Südsee utbreiden, fangen de Lüüd an, sick ümmer miehr ok för de Kultur vun de Ingeborenen tau interessieren. Sei finnen dat Heidentum dor frömd un interessant. Bernhard Funk (1844–1911) is‘n Dokter, de in Niegenbramborg buuren is un denn later utwannert is. Hei sammelt väl ut de Südsee un as hei storben is, kamen de Saken in de olle Heimat. Up Samoa erinnern sick de Lüüd ok hüüt noch an Funk un dat hei dor läwt hett.