Frans Hals: Afbild vun ein vörnähmen Mann

• Frans Hals (üm 1580/1585 – 1666)
  Afbild vun ein vörnähmen Mann
  Öl up Linnen, 80 cm hoch

De beiden Biller kamen poorwies 1863 vun denn Brugeriebesitter Scheefer in de Billersammlung vun dat Stadtmuseum Stettin. In’n Martmaand 1945 warden sei nah Coburg utlagert. Denn twälen sick ehre Wäch. Dat Bild mit denn Mann kümmt 1970 tausamen mit de annern Biller ut de Sammlung nah Schleswig-Holstein in de Stiftung Pommern. Dat Bild mit de Dam up un noch twei anner Biller blieben in de Veste Coburg as Dank för de Erhollung un Plääch vun de Stettin’schen Kunst.

As de Geschicht so spält, hebben de beiden – dat "Binah-Ehepoor" – sick ut de olle Sammlung nu in dat Pommersch Lannesmuseum. Dat Bild mit de Dam, de bet tau de Bost tau seihn is un sitt, kümmt 2013 vun Coburg in dat Museum.

Streng nahmen sind de Biller kein „Pendants“ nich west, denn dörch’n Bericht vun 1937 oewer de Restaurierung (Kaiser-Friedrich-Museum, Berlin) is nahwiest, dat de vun ehr Format her nich genau passig wieren. Is oewer tau vermauden, dat sei all in dat 19. Johrhunnert passig makt wüürn. Denn wieren sei binah 100 Johren as Pendants utstellt. Ok de egalen Billerrahmen bewiesen dat.